mif81

Iatz isch die Karre endlich zu 99% fertig, lai nou leschte Toale unbauen und fertig lackieren...... Die Sarner kennen lai unhebm die Piste herzurichtn =)

Thema Tank isch sicher net zu vernochlässigen, ba den wos dei Troppl bold sauft ! Mir fohrn weiterhin mitn orig. 3,5 liter Tank. Huier sein eh 6 Boxenstopps Pflicht währendn Rennen und mir hobm a Schnelltanksysthem gebaut, nor passt sell schun. Wia du sogsch isch der Kopf es A&O ba der Soche. Bin iatz sicherlich schun a poor Stundn ummergegast und bis no koan Spur fa technische / thermische Probleme. Ba ins muass des Gonze natürlich guat ausschaugn a (legmer groassn Wert drauf) und i wear longsom unfongen, die Verkleidungen um den riesign Motor ummer unzupassn, weart sicher a a mords Orbeit. Komisch isch, dass man foscht iber der gonzn Kolbenfläche awia Ruassoblogerungen sig, genau lai zem wo der Leps ba die Iberströmer und Booster in Zylinder eini geat, man erkennt richtig die Stroafn, der Rest isch perfekt sauber, komisch....mah boh

Mein Kopf hot no schwuler heargschaug, hon in Brennraum ober gmiasst mit der Drahnbonk mochn (uiuiuiui...) weil i koan ondere Gerätschoft hon fir des. In groasn und gonzn schaug er gleich aus wia deiner. Hon mer die Infos und Daten ausn Buach "Der schnellaufende Zweitaktmotor" gholt. Steierzeitn woas i nimmer, worn ober recht Konservativ bis racing. Hon sie lai glossn, weil i woas dass 3 Stunden iber Stock und Stoan long sein und i gerne bis zum Ende fohr mit mein Tatl. Auspufftechnisch weart definitiv a nou eppes getun ba meinem. Hon grod nou a Runde gedrahnt und i muass sogn ba den Wetter mit 24 Grad ba ins do losst sichs schun ummergasn....mocht Laune af mear !!

Mein Kondl verdriasst mi longsom.... Probleme mit der Aufhängungsgeometrie !!! Der Rohmenumbau mit Drehpunkt fir der Schwinge wor firn Originalmotor fan leschtn Mol konzepiert und mit den 125er cross Block isch des ziemlich Kakke, weil i nimmer genau in Linie mitn Zohnradl bin = Problem mit der Kettensponnung ban Einfedern !! Hons zwor irgendwia derleast olls mit Kettenfiarung und Kettensponner, lai schaugs bold aus wia an umglenkter Vertoalerriamen ban an Automotor...... Koan Bock an nuin Rohmen zu mochn mit dei gonzn Umbauten !!!! Na,nix, bin mit der Leistung no net gonz zufrieden und i glab der 30er Vergaser isch foscht zu groass fir den 100er Kart Zylinder. Wear no awia mit verschiedene Lamellenstärken spielen, weil i glab, dass de fan 125er eher zu hert sein und relativ zu fria in Resonanz gian firn Auspuff den i olleweil hon, plus riegelts mer in obersten Drehzohlbereich awia o. Vielleicht sog i an Bledsinn, ober bol i amol ba an friarern Motor härtere Lamellen probiert hon wor der Effekt ähnlich. Luk, wos hoschn fir a Brennkopfform gebm? Mein orig. Kopf fan 80er Johr Kartzylinder wor mit an extrem broatn Quetschkantn und an no extremeren Kugelförmigen Brennraum. Hon nen in Proportion afn POLINI 70er fan fifty nochgmocht, der super gongen isch. Plus hon i die Quetschkante af 0.8mm oigsetzt. Vielleicht hon i Kompression verlorn durch des, derfir weart er woll länger hebm

Also mir hobm die Erfohrung gmoacht, dass die extreme Leistung fan Motor net ausschloggebend firn Sieg isch, logisch hilfts, ober man muass konstant fohrn und sell guat, weil es isch hort a Sekund Zeit durch Leistung zu gwinnen, ober extrem leicht 5 Sekunden zu verliarn wegen Stau vor Kurven oder folsch getimte Boxenstopps. Zuaverlässigkeit far Troppl isch es Wichtigste, deswegn wearn huier in der Mittogspause Gaskabl,Kerz und so gwechselt, damits ins net gleich geat wia leschts Johr... Onfongs fohrsch jo firn Spass, ober mi ziacht des so eini dass bold lai mear fanatisch wearsch. Muasch der Vorstelln, dass i sogor in Tog vorn Rennen die Piste ogongen bin um die Gerodn ozumessn und derhoam die Ibersetzung nomol verfeinert hon. Wor super hilfreich ober kronk a awian =)

@EGIG A wenn jemand mit 130er mitgfohrn isch, tian er und sein ormselige Troppl mer load, weil iberholt hot mi nia oaner und ersch recht koan Vespa (koan Beleidigung, ober isch holt nix fir so a Rennen), a wenn i lai mit an 70er fifty gfohrn bin =) Huier weart des Rennen sicherlich extrem an professionellen Tropplen derzuagwinnen und es Niveau weart extrem hoach sein fa die umgebauten Vehikl. Frei mi schun afs Rennen, weart sicher wieder sooooooooogeil !!!! I kenn lai es weiter vorne mitspielen (nit bleid zu redn....ober olls Ondere interessiert mi net!) und hoff miar kennen ins wieder aufs Podest gonz oben fohrn. Wahnsinn und Maschine miassn natürlich wieder harmonieren =) In diesem Sinne..... man sig sich spatestens ban Rennen Stefan

Fir olle dei nou nia Mitgfohrn sein: Nochn Rennen gian die ersten 5 nit an die Box sondern direkt zur Inspektion und der Hubraum weart vermessn.... Und der Rest fa die Fohrer isch a net bleid, so am Rande bemerkt ! Gruss Stefan

Hallo Freunde des Forvir 50ccm Rennens, Team JOKERS freestyle sports ( www.jokers.it ) ist auch heuer wieder mit dabei und nach dem Sieg 2007 und nach technischem Defekt und Platz 4 im Jahr 2009 fahren wir heuer wieder mit, um den Sieg ins Südtiroler Unterland zurückzuholen. Mal eben ein interessantes Video von meiner onboard-Kamera beim Start nach 100m Lauf.....auf youtube gibt es auch 3 weitere Sequenzen Gefahren wird wieder mit Malaguti fifty Siegesjahr 2007 mit Teilname bei 50ccm Kategorie und originalem Fahrwerk, als die Piste noch anspruchsvoller war.... 2009 Kategorie modifiziert, nice ride !!! =) Lust auf mehr? http://www.facebook.com/group.php?gid=380107050280&v=wall oder http://www.forvir.it Heuer gibt es einen ähnlichen Motor wie LUK ihn macht, bloss ist er viel professioneller !!!! =) Fotos vom Motorfräsen und Schweissen folgen.... MIF@JOKERS

AIAIAI... Augen hot man lai 2 !!!!! I greif koan Flex mear un ohne Brilln, seit mer a amol a Splitter eini isch ... zem hon is a derlernt... Guate Besserung, Stefan

Jo i glab ohne ebay warmer olls orme Schweine, hon a jedes Toal iber ebay gekaft, a um relativ koan Geld. Iatz muasch mer lai nou sogn, wia du 50 Gramm af der Zündung merksch ??? Ba dir weart holt ban Start des Drehmoment gfahlt hobm. Mir hobm ban Rennen so wianig wia meglich Gwicht kopp (PVL Innenrotor). Wor a wia "skorbutisch" in enge Kurven, ober hot holt geil auigedrahnt af der Grodn. 100-150 Euro weart des EGT schun kemmen wos i grod gsegn hon. I moch des Teil mit Akku holt net fix aui, konn mer des net as gonze Rennen mitfiarn, a wenn man sofort seign tat wenn eppes fahlt. Stefan

Als erstes amol ........ geiles Trappele hosch do konstruiert, net letz !!!!! EGT= exhaust gas temperature???? Wenn sell moansch, net wirklich, dei professionellen Teile sein mer zu tuier. Bin ober derbei mer a gscheide oanfoche Onliegesonde firn Auspuffknia zu baschglen, mit oanfochn Display wia dei fir die Scholtkastn af 12V. Nor waret nou guat wissn wiaviel Grad verkroftbor sein. Ba die Auspuffberechnungen redn sie oft fa 500 und mear Grad Gastemperatur, sell glab i ober net gonz. Bin ba weitem net so professionell wia monch onderer do, muass mi holt mit dei Maschinen und Mittel und Kollegen arrangieren dei i zur Verfügung hon Baschgler und Feigler tat der oane und ondere sogn.... Bin nor ban fohrn net so letz hahaha Stefan

Hoppala.... do hot sich moan i der Rotor a wian verstellt (Hon koan Keilnuat gmocht af KW )!!!!!!!!!!!! Hon "leicht" zu viel Vorzündung kopp ---- 40°---- Wia konn des sein, dass er mit der Vorzündung so perfekt af Stondgas gongen isch und hauptsächlich untertourig gezogn hot und oben aui ogriegelt hot???? Wia gsog, hon ersch die erstn Probekilometer hinter mir, vielleicht nittamol 20, desswegen hon i grod as erste Mol olls kontrolliert. Kopf isch dicht, Überströmer sein holt verorbeitet, ober schun in Linie mit Laufbuchse. Bedüsung 128 Hauptdüse af 28er Dell'orto. Wenn i nen megerer moch waret wohrscheinlich guat a wärmere Kerz eini tian, weil iatz waret dei schian braun. Hon in Vergaser bis iatz lai amol grob af Kerzenbild eingstellt, hon ober eben nochn Kolbmbild ersch gsegn, dass des net passt. Wort ollm nou af dei Kupplung, nor wear i olls wieder montiern und desmol den Rotor besser fixieren Des mit der Vorzündung muass i amol genauer untersuachn mit an gscheidn einstellborn Strobolomp. Gruss Stefan

@LUK So.... i bin iatz amol schockiert.... hon grod as erschte Mol nochn Testn in Zylinder or montiert und genau die Steuerzeitn nochgmessn. Ausloss 170° und Überströmer 120° und net 177° und 128° wia laut Datenblattl des i in Netz gfundn hon. Konn so eppes iberhaup richtig guat gian? Des weart schun a lai so a 15 PS Motorl gwesn sein.... Wos sogsch zu dei Bilder : Amol zu fett isch dei Gschicht fa mir aus, sell isch klor, obwoll die Kerz perfekt Rehbraun isch. Sorgen mocht mer eher dei sehr ungleichmässige Oblogerung richtung Ausloss afn Kopf....mahh Net grod Zeugnis fa optimal zentrierter Verbrennung, oder? Hon ersch ca 20 Km gmocht und vorn zerlegn 1 Minute Vollgas gebm, iatz hon i lai Ongscht, dass dei Oblogerung fescht zuanimmp und ba meiner Quetschkant fa 0,8mm sich ungsund afn Motor auswirken konn . Najo... megerer einstelln und schaugn obs besser weart. Tschüsssi

Mir in der Firma hobm an Vertrog mit der AIRLIQUIDE ibern Terzer Baumaterial in Neimorkt und holn nor olm zem die Floschn. Die erstn 2 Floschn sein inklusive, wos es kostet woas i iatz net .... Tschüss

Gute Frage, isch schun viel, dass i woass, dass es a Rotax isch.... hon olls lai iber Ebay gekaft. Zündzeitpunkt hängt wieder fa Umdrehungsaulegung o. Afn Fiftymotor hon i a PVL Innenrotorzündung kopp mit Zündkurve fa +3 bis -1 Grad zwischen 4000 und 12000 Upm. Die Motoplat fa mein TM isch schun obm gwesn und i hon koane Daten. I stell iatz ba mein TM mit 50,5mm Hub di Zündung ohne Gradscheibe ein, erster grob Kolben 2mm vor OT und nor tast i mi zui, olm mit Testfohrt. Mir kimmp fir so find i am Besten in idealn Zündzeitpunkt, olm unter Berücksichtigung fa Kolben- und Kerzenbild. Do bin i wieder der Gfühlsmensch, weil mit Gradscheib isches mir nia so gongen wia i gwellt hon.

Sie hobm die Regel ändern gwellt, weil 2006 sicher 20 Leit in der 1.Hilfe glondet sein.... Nochdem 2009 ober sich koaner ernsthoft verletzt hot, hoff i, sie lossn olls ban Oltn. Viele argumentieren, des sollet a Nostalgierennen bleiben und koan Prototypen-Auflauf, i denk ober, dass des ba ins do die oanzige Zeit isch, wo man sich technisch a wia gian lossn konn, as bestehende Material zur eigenen Sicherheit verbessert und sich offiziell mit ondere messn konn. In Südtirol isch Thema Motorsport jo sowieso politisch net gearn geduldet und wenn die Sarner schun so an geiln Birgermoaschter hobm, hoff i dass des a wirklich as oanzige ernsthofte Rennen bleib, wo sie net lai olle mit olte originale ciao 3 Stundn die Runde fohrn..... so sig holt i's! Hot jemand in Südtirol schun amol so eppes ähnliches gmocht? I glab net.... In Deitschlond/ Österreich hon i gsegn brauchts lai an Ocker und a poor Leit mit Iniziative und koaner steat imenen in Weg. Ba ins sperrn sie di boldamol ein weil sich glei oaner belästigt fühlt oder die Grianen sogn die Umwelt weart zerstört. Zun I loss mi iberroschn wos die Regeln betrifft, sicher konnsch der holt net sein....

Dei 2 Rennen waretn wohrscheinlich die Roas wert Die Schwinge isch foscht die gleiche gebliebm, hon sie lai verbreatert, weil der Tm Motor as Ritzel weiter draussen hot und zudem hon i in Drehpunkt afn Rohmen in Linie Ritzel/hintere Achse oi gsetzt, somit isch der fifty iatz hinten 5 cm niederer, wos in Schwarpunkt a tiefer setzt. Plus hon i iatz hinten Scheibenbrems Geplant waret der fifty jo fir hoache Hupf gwesn, ober wia mer olle wissn hobm sie dei ban leschtn Rennen total entfernt und es sein lai mear dei kloan Buggelen gebliebm So wia die Pischt iatz isch, kannet man wieder mitn normaln Fohrwek fohrn, nor tat i mer 10 Kilo Gwicht dersporn. Mir hobm 2006 mitn orig. Fohrwerk wenn die Hupf nou gwesn sein 2 Set Goblen verbogn und der hintere Stossdämpfer isch gschnellt Links Siegerfoto fifty 50cc 2006, Mitte 2009 und unten provisorisch fir 2011 Bin mer sicher, dass dei Troppl bis zun Rennen nou ollerhond Umbautn erlbm weart. Hon olleweil a hydraulische Kupplung (Pumpe+ Geberkolbm in Bestellung) und villeicht bau i a des gonze überschüssige schware Zuig nou o. 2011 muass noch den Gaskabelbruch 2009 wieder gwungen werdn . Die schnellste Rennrunde hon i beade mol kopp, iatz muass i lai nou schaugn, dass meine Teamkollegn (oaner vor ollem!!!) in Vortog derhoambleibm, statt wieder bis 5e in der fria afn Bauernjugendfest in Montan zu tanken..... Zudem loss i mer die Option fan leschtjohrigen Motor af an orig. Rohmen offen, weil i net woas, ob sie die Regeln ändern und dei Spezialumbauten verbiatn. Leschts Johr hobm sies jo schun gwellt verbiatn und hobm ersch a Monat vorn Rennen nuie Regeln gmocht, dei sie noch intnsiven Protest fa olle dei schun die Tropplen fertig kopp hobm wieder zruggnummen hobm!!!! So bin i holt fir olls vorbereitet Tschüüüü Stefan alias MIF Fir olle deis interessiert: Start noch 100m lafn in Klasse modifiziert mit Helmkamera af Lenkstong, leider ohne Musig, hobm sie mer net zuaglossn....

@ 100 spezial Wenn in Amort Andreas fa Montan moansch der Hoch- und Tiefbau studiert hot und 34 isch nor isches mein ex Nochbor, ondern kenn i koan. Woas net wo du orbeitesch.... Bin a viel Koltern, weil meine Freindin a Koltrerin isch. Iatz zu dein Motor: Hosch du so viel vertrauen zu den "Metollkit", i hett Ongscht dass der sich mit die Vibrationen aufleast, hon ober ehrlich gsog no nia dermit gorbeitet. An olle: Man konn sicher irgendwo in Forum nochlesn, ober villeicht sogs es mer, wenn sette Beschleinigungsrennen in inserer Umgebung (bis ca.250 Km) gmocht werdn, ganget gern amol so wos fa gleim betrochtn. Donk, Stefan

Du hoschs erfosst, ban Zadra in Mezzolombardo, isch fa mir derhoam 20 min entfernt....

Du, a wenn i a wian a Leistung verschenk, der Motor geat so recht ordentlich und schliesslich dauert as Rennen iber 3 Stundn und zem waret guat er war net af der Kant berechnet und heb devir um so länger. Af jeden Foll hon i olm nou die Kupplung wos schleift und wort af a nuie. Die Olte isch fa 1988 und isch nimmer af der Heach. Wos tiazn es fir an Öl in Getriebe/ Kupplung eini. Ban fifty hn i olm lai a 15W40er eini und isch gongen, ba den TM tuat sell gor net. Iatz hon i an eigenes Getriebeöl fir 2-Takter eini (10W14) und geat schun viel besser. Tschüss, Stefan

Also, i sog der gonz ehrlich, dass i net wirklich an Ohnung hon welches Material mer gnummen hobm.... der Kollege wos es effektiv gmocht hot (Schlosser) hot ols besorgt, i hon mear gsog wia sie zu mochn isch. Hon nebenhear lai a poor Schnoppschüsse gmocht: Hon amol net mear gfundn.... Des isch eigentlich as erschte Mol, dass i so eppes probier und hon a poor Schwierigkeitn kopp, mangels Erfahrung. Zum Beispiel wia du sogsch es wuchtn: So a Kurbelwelle konnsch fa mir aus lai statisch wuchtn, weil sie jo ba Kolben in OT oder UT sowieso gonz ondere Zentrifugalkräfte entwickelt. Der Originalhub wor 54mm und i hon nen firn Kartzylinder af 50,5 bringen gmiasst. Ehrlich gsog hobmer net mit Wuchtmaschine gorbeitet, sondern eher mit Augenmoss (i woass, sehr professionell)!!!! Noch die ersten Motorntests hon i festgstellt, dass der Motor null vibriert, also hobmer net olls verkehrt gmocht. I hon mer an Motor erwortet, der hoach drahnt und hon amol an fiftyrennauspuff ungepasst, mit ca. der gleichn Länge bis Mitte Gegenkonus wia er ba insern Rennfifty leschts Johr wor. Der sell hot bis 12000 mit Gong drinn gedrahnt. Ban erstn Test in die Felder hon i ober festgstellt, dass der Motor a brutals Drehmoment fa 5000 bis 7000 Upm hot und ba 10000 isch nor Schluss mit Leistung. Momentan konn i des Gonze no net richtig einschätzen weil oft lest man fa 18000Upm af die 100er Kart. Nochn erstn Schlaumochn in Netz hon i die Kartzylinder far Italsistem entdeckt mit die gleichn Steierzeitn wia mein cuccuolter Rotax den i montiert hon. Sie gebm die max. Leistung und max. Drehmoment zwischen 11000 und 12000 un, a ba die Drehschiaber. Des sein ober olls Motoren mit Ritzel af der Kurbelwell, ohne Getriebe oder Kupplung, deswegen miassn dei jo foscht fir a broats Drehzohlbond konzepiert sein. Af jeden Foll passt mer des so gonz guat, weil i jo iatz an 6Gong Motor drun hon mit kloane Obstufungen zwischen die Gänge und zem bring as long ziagn fa di Gäng a net viel, plus heb er länger wenn er wianiger hoach drahnt Wear demnächst an ondern Auspuff mochn(lossn) und schaugn wos sich ändert. Nor geats fa Neigier afn Prüfstond und i erhoff mer eppes um die 15-18 PS. Die Steierzeitn miassetn ba 128° Überströmer, 177° Ausloss sein, also nix giftigs fir hoache Umdrehungen, oder, wos moansch du? PS: Mit 40 Ps moan i die Leischtung dei der 125er Block fa TM als cross auskoltn hott, Pleuel siehe Bild:

Aha, als Maschinenschlosser isch des natürlich a klianers Problem Kartzylinder isch firn fifty die oanzige Lösung, um an 100er zu hobm, also isch nix onders ibrig geblieben, um nit wieder an 30ccm Nochtoal af die Vespelen zu hobm. Bin zwor koan Maschinenschlosser, mir hobm ober a a nuie Kurbelwell mit verkirztn Hub gmocht. Mein Frog isch, ob du deine Wlln olm härtesch, i hon mi net getraut, weil i Ongscht kopp hon, dass es sie mer verziag und i net die Meglichkeit hon des dernoch zu korrigieren. I hon mer holt gedenkt, dass a Kurbelwell, dei erster fost 40 PS auskoltn hot, sollet den 100er aso a hebm Kilometerleistung und die damit verbundene Obnutzung isch jo gleich null, muass jo lai die Tests und as Rennen hebm. Servus, Stefan gruss Stefan

Servus, bin lai zuafällig af des Forum gstoassn, bin net so mit Vespas vertraut, obwohl mein Bruader a poor hot. I hon olm mein fifty kopp und ban sem geblieben. Mir hom bar 2.challenge 2007 as erste mol mitgetun und ba die 50er mit 6 Runden Vorsprung afn 2. gwungen!!!!! Zem worn holt nou a poor Jumps und mehr action.... 2009 sein mir 3 gleichn Fohrer ba die frisiertn mitgfohrn, ober a poor Runden vor Schluss isch der Gaskabel gebrochn, nor hobmer 5 Minuten verlorn zu richtn und sein mit 2 Minuten Rückstond nou 4. gwordn. Fir insern fifty hots koan luftgekialtn 70er Zylinder gebm, nor hon i an Polini wossergekialt derschnittn und olm mit Alu Kialrippen aufschwoassn. In Zylinder hon i nor Mailond oigschickt zun Nickasilbeschichten. Er isch gonz ordentlich gongen, wia af die Videos fa Onboardkamera Jokers af www.forvir.it/html/videos segn konnsch. Hon net letz gstaunt, wenn die ondern mit 100er Kartzylinder af die Vespelen ungetonzt sein, immerhin hobmer 30ccm wianiger kopp. Iatz hon i schun so guat wia in negschtn Fifty fertig, mit 125er Crossblock far TM mit 100er Kartzylinder. Iatz hon i Zwongspause ban testn wegnen Schnea in die Felder und konn net guat einstelln ba dei Verhältnisse. Af jeden foll Respekt fir dein Giassprojekt, woss i iatz so schnell glesn hon scheint des gonz guat zu werden. Hoff du hosch an guatn Partner, der die Schleiforbeitn mocht, isch sicher net so oanfoch. Servus, Stefan (MIF@Jokers) PS: Bin aus Montan im Unterlond

Hallo, hon gwellt sogn, dass huier 2010 koan Sarnerrennen sein werd..... 2011 isch wieder Termin. Woas i fan Präsident fa di Forvir persönlich. Man sig sich also in 1,5 Johr af der Piste.... Gruss Stefan (MIF Team JOKERS)